紅館觀眾High到彈起 Mr.叫保安畀條生路

樂隊Mr.成立十周年，前晚順利完成《Everyone Concert 10》紅館演唱會尾場，幾位成員分享這十年間的高低起伏，並承諾會繼續創作，揚言夾band緊要過簽約唱片公司。

尾場觀眾情緒更為高漲，當《最重要》一響起，現場觀眾都吶喊，又大合唱《昨天》及《還原成長》等。當五子唱出《釋放自己》時，全場更起身又跳又叫，氣氛十分澎湃。主音Alan表示︰「我想同今晚嘅保安講，我哋個騷係畀佢哋企起身，Mr.啲歌好安全，放佢哋一條生路啦！」說畢，即全場起哄。

除了演唱外，成員都打開心扉細說十年經歷，低音結他手Dash（譚健文）指對他最大影響除了其餘四位成員外，就是張繼聰與謝安琪夫婦。另外有一個朋友在Dash最失落時，把他從低谷拉上來，對方就是陳偉霆。而Ronny憶述11年前，有唱片公司想跟他們簽約，「我當時諗40歲嘅時候，想要一架跑車定一張樂隊嘅CD？我當然選擇樂隊CD，今日我已經過咗30歲，我真係買唔起一架跑車，但我擁有11張樂隊嘅CD。」

到encore環節，鼓手Tom（杜志烜）最感激擔任演唱會音樂總監的Jerald（陳哲廬），他表示︰「大家有無睇過《食神》？史提芬周最低潮、最唔開心嘅時候，有人畀佢一碗黯然銷魂飯。Mr.都有碗黯然銷魂飯，佢就係Jerald。每個人只要經歷過高潮，而你又不幸遇上低潮，我都希望你哋有自己嘅叉燒飯。」完騷時，大批歌迷仍然不肯散去，Mr.再度出場encore，最後唱了《森林》及《如果我是陳奕迅》，直至晚上11時30分才圓滿結束。

送上黯然銷魂飯

其後，Mr.在慶功宴上笑指託歌迷鴻福，演唱會反應熱烈，Dash說︰「我哋之後應該會到內地巡唱。」鼓手Tom早前腰傷，他直言演出時沒感到痛楚，完騷後開始覺得手和背部都很痛。

撰文︰Pauline

編輯︰陳禮恒

美術︰梁政敏