李彩華同老公 靠視像維繫感情

李彩華（Rain）和內地商人Eric今年初拉埋天窗，婚後兩人忙於工作，Rain自爆近一個月未見過老公。至於造人大計，她坦言不心急，反而見到朋友做了父母後很多顧慮，也開始緊張起來。

李彩華前晚到將軍澳電視城為《流行經典50年》錄影，Rain透露正忙於拍攝以澳門做背景的內地劇，拍檔有羅嘉良，她說︰「上次合作係十幾年前《昭君出塞》，我哋做情侶，今次佢做我叔叔，其實佢keep得好好，只係劇情需要。」又表示劇集趕今年播出，所以拍得相當急趕，幸好主要在廣東拍攝，有空檔就返港休息，拍畢後隨即籌備舞台劇，她會分飾三角。

Rain忙個不停，老公長期在北京工作，豈不是沒時間見面？她也感無奈，希望月尾可以見面，始終已一個月沒見，惟有靠video call維繫感情。Rain自言對住老公時，聲調會調高八度，十分溫柔。問到造人大計，她說︰「出年先，之前都期待生仔，但見到好多人產後有好多顧慮，令我愈嚟愈緊張。其實我對醫院有恐懼症，試過陪朋友睇醫生，聽到病情我突然眼前一黑，頭暈兼標冷汗。」

撰文︰Pauline

編輯：黃寶恩

美術：顏玉玲