內地客擅闖民居樓梯執篋 住戶被阻出入「禮貌」勸離

相信大家不時都會在街上，看到內地旅客大肆購物後即場整理行李的盛景。有男網民日前發帖，指有內地旅客竟擅闖其居住的大廈，更走上3樓梯間蹲地執篋，阻礙居民出入。無奈之下，他只好「禮貌地」將對方請離，「香港歡迎你哋，Bye bye！」

{{hket:inline-image name="hk070520192.jpg"}}{{/hket:inline-image}}

樓主在Facebook群組「North District 北區」上傳現場短片，只見在樓梯間，有3名操普通話的男女蹲地，並攤開行李箱埋頭執拾貨物；由於梯間狹窄，因而阻礙住戶出入。樓主見狀後出言勸阻︰「唔係冇門鎖你哋就可以咁樣㗎嘛？你走唔走呀而家？你唔走我倒水落嚟㗎喇！」

{{hket:inline-image name="hk070520193.jpg"}}{{/hket:inline-image}}

3名男女於是立即收拾行李，樓主此時補充道：「唔係唔畀你哋買嘢，好歡迎你哋嚟買嘢㗎，但係你哋唔係咁嘅樣㗎嘛，阻住晒啲人出入」3名男女整理好行李後拾起紙皮箱，拖着篋及手持大包小包戰利品落樓。樓主目送他們離開時，不忘「禮貌地」稱︰「好，香港歡迎你哋，好，Bye bye！」

樓主最後在帖文中，無奈地稱：「係咩嘢理由驅使你哋買完嘢，咁X辛苦行3層樓梯，嚟到我門口執貨呀？」

此事引來網民熱議，不少人表示無奈，「上埋人哋私人地方執貨，簡直離譜」、「私人地方喎！咁都得！」、「你太好人了，倒咗水先講啦」、「包容有底線，愛也有底線」。不過，亦有網民表示，此事反映出樓主大廈保安有漏洞，「你大廈無鎖門，都是一個問題」。