5歲仔發展遲緩入女廁被罵 港媽盼體諒有特殊需要兒童

社會上不時都有聲音討論，兒童應否進入異性的廁所。一名育有特殊兒童的媽媽日前在網上訴苦，指其5歲兒子雖然生的高大，但無奈發展遲緩；當她帶兒子到女廁時，不時都會被女士們作出「咁大仲去女廁唔醜嘅咩」等言語侮辱。對此，她大感傷心，希望大眾能對特殊兒童多點了解。

港媽：請不要只顧批評而不去了解

「我想以一名育有特殊需要嘅小朋友媽媽身份講下嘢！希望大家放低你嘅『育兒專家』身份，請不要只顧批評而不去了解，你哋嘅批評，係比粗口去鬧佢哋更難聽的！」該名媽媽向Facebook專頁「生仔要考牌系列」投稿，指5歲兒子雖然身高比6、7歲的小朋友更高，「但無奈地言語及自理能力還有很大落差。要知道佢哋一件事係要花很長的時間去教，而作為媽媽的我，又擔心佢發生乜事唔識得處理，保護自己，所以我絶對無可能畀佢一個人去男廁。」

常被「姨姨婆婆」言語侮辱

結果，她帶兒子入女廁，換來的是「一些無知姨姨婆婆」的言語侮辱，例如「細佬你咁大仲去女廁唔醜嘅咩？」、「唔識教佢㗎，怪獸家長？」她表示：「如果因為我個仔入侵咗你嘅女性私密空間，而令你感到不安，我想講句唔好意思。我絶對相信我個仔喺女廁內絶不會偷睇到你任何私密部位，我亦會好好保護我個仔嘅私密部位，唔會畀你睇到！」

{{hket:inline-image name="toilet29042019.jpg"}}{{/hket:inline-image}}

使用殘廁亦有困難

她指出，如果有傷殘人士專用的洗手間，她都會盡量安排兒子使用，「但無奈地又會俾人白眼（其實我有殘證俾佢睇我仔有足夠原因去用）。殘廁又經常俾人用作吸煙區，內裏污穢到嚇死人，仲有殘廁個馬桶又比一般的高，我又點可以畀我個仔去到呢？」此外，亦有人建議她「同個仔去完廁所先去街」，「無奈地佢哋所受嘅專業訓練，並唔同甚麼畫畫鋼琴班，屋企附近就有，好多時，我哋要舟車勞頓先去到訓練，咁我可以點呢？」

而對於早前有網民在某商場女廁內，將一名男童正在洗手的一幕拍下，斥責「咁大個男仔仲去女廁」一事，樓主坦言感到心痛，「希望各位比較敏感嘅女仕們，請你們高抬貴手及口，唔好惡意批評小朋友，甚至影相放上任何社交媒體。感謝你！」

不少網民表示理解

此事引來網民熱議，不少人表示理解，「好明白湊住幾歲小朋友去洗手間係件唔方便嘅事，獨自比佢自己去又唔放心，帶埋一齊去又怕旁人有說話講」、「無奈的媽媽，請你加油。作為一個ex psy nurse，我好明白照顧有問題兒童嘅辛酸」、「其實5歲既小朋友有冇特殊都好，自己入男廁，真係會有好多野都做唔到」。

網民：加快設立通用廁所

不過，亦有網民表示不理解，「其實，真係會覺得好尷尬的」、「唔只一次聽過有男幼童踎底身裝喺廁格入面如廁嘅女性。所以，我實在係唔樂意見到有任何男性出現喺女洗手間內。帶細路仔去異性嘅廁所的確係有問題嘅。」另有網民指出，政府應正視相關問題，加快設立通用廁所，「香港好多廁所都冇兒童馬桶/尿兜，一個5歲小朋友係咪有足夠高度同能力去處理呢？......所以有時唔係我哋唔放手……係根本出面環境令我放唔到手。」