許文軒非真命天子 麥美恩主動搵男友

麥美恩（Mayanne）昨日為佳士得春季拍賣預展擔任模特兒，戴上幾千萬首飾示人，令她受寵若驚。Mayanne更自爆跟許文軒的緋聞只屬「煲水」，還想主動少少識男仔。

麥美恩首次戴上如此貴重的鑽飾，她表示︰「身上所戴嘅珠寶喺市面上好難搵到，識貨嘅人才會知道。自己對鑽飾都有少少研究，有時會買禮物獎勵自己。」她又稱最近開始收藏鑽石，由媽媽陪同選購，她本身揀鑽石重質不重量，最後揀了一對鑽石耳環，打算將來如果生女，可以傳給下一代。

Mayanne與許文軒被傳緋聞，但兩人已否認，問她可有遇到心儀對象？她笑說︰「畀啲時間我啦！朋友叫我唔好再攞男拍檔嚟整蠱，人哋都要搵伴侶，自己會主動少少去搵對象。」母親節將至，她表示會送花和手袋，至於會否考慮帶男朋友見家長？Mayanne笑言未有男朋友，暫時沒辦法帶給家人過目。

麥媽媽被誤認黃心穎媽咪

有報道指定居於加拿大溫哥華的麥媽媽，近日竟被街坊誤認是黃心穎媽媽，十分尷尬。Mayanne強調沒有聽聞此事，並笑指媽媽好易認，「肥嘟嘟，好師奶。」提到她與心穎曾合作主持《學是學非》，可有問候身在美國的心穎？Mayanne說希望大家給予心穎一些空間，暫時不想打擾對方。

撰文︰Pauline

攝影︰林良明

編輯：陳禮恒

美術：梁政敏