梁競徽脫離「負皮王」

梁競徽昨日到商台接受訪問，他在劇集《鐵探》扮演「快活谷」一角，令他在微博的港澳台明星勢力榜攀升到第23位。提到他以往被封「負皮王」，到現時獲大眾認同，他說：「編審話我聽網民對『快活谷』評價好好，話我守得雲開見月明。我發覺原來講乜都無用，應該用作品話畀人知我嘅誠意。」他自言目前已減少玩社交網：「因為我寫嘢寫得差，講嘢一嚿嚿，大家未真正了解我，可能因為少少誤會，引起不必要嘅麻煩。」

他表示目前只希望工作順利：「始終有頭家，唔好似以前咁吊兒郎當，要諗下個女讀書、長大。我又唔識投資，所以靠努力去儲錢。」