阿Sa無膽挑戰全裸

蔡卓妍（阿Sa）三度衝擊金像影后失敗，她前晚出席金像獎慶祝派對時，笑言沒有失望，反而大讚頒獎禮氣氛甚佳。阿Sa表示在頒獎禮前已看過影后候選人的入圍作品，一早認為自己勝算不大。提到影后曾美慧孜在《三夫》全裸演出，尺度極大，阿Sa說：「真係難啲，我應該唔得，但睇戲唔係只睇尺度，曾美慧孜角色好難掌握，佢演得好好，《無雙》張靜初都演得好。」

問男朋友石恆聰可有安慰？阿Sa說︰「唔需要，場內收唔到電話，完場收到幾百個message，多數都係容祖兒、關智斌同阿嬌（鍾欣潼），佢哋睇住電視同我打氣，好感恩有好多好錫我嘅朋友。」