胡定欣恨再拍戲

胡定欣憑《逆流大叔》角逐金像獎「最佳新演員」，最終落敗，她前晚現身慶功宴時大方表示未感失望︰「今次提名嘅得着係超乎想像，好開心有機會提名新人獎，參與香港電影圈盛事，對我已好難忘，會好好記住。」而《逆流大叔》男主角吳鎮宇缺席頒獎禮，定欣直言有點可惜，只好站在他的布景板前影合照。

定欣又稱原本準備好致謝辭，多謝監製、導演及吳鎮宇，她說︰「初時只諗住上呢艘船欣賞沿途風景，無諗過有提名。入行第一部劇係同鎮宇合作，第一套電影又係同佢合作，係佢為我打開呢個大門，佢係我恩人。（考慮投身電影圈？）一步一步嚟，我係電影圈新人，希望識多啲唔同製片商同監製，畀佢哋知我有呢個想法。」