《無雙》奪7獎成贏家 秋生曾美慧孜大熱封帝后

《第38屆香港電影金像獎頒獎典禮》昨晚圓滿落幕，結果黃秋生憑《淪落人》第三度贏得影帝殊榮；《三夫》曾美慧孜以大熱姿態擊敗《非分熟女》蔡卓妍勝出。至於《無雙》拿下最佳電影、最佳導演等共七個獎項，成為全晚大贏家，《淪落人》則獲三個獎。

賽前已是影帝大熱的黃秋生，一如所料相隔20年再度封帝。秋生在古天樂手中接過獎項，他感謝《淪落人》台前幕後之餘，更特別感激楊受成︰「有佢（楊受成）在經濟上嘅支持，我先可以不收分文拍戲。不過大家唔好學我唔收片酬，如果想得獎就可以學我，好心有好報！」

秋生在台上感謝亡母︰「多謝媽咪喺生命嘅最後，教識我生命好短促，唔開心就笨啦！」而首度獲封金像影后的曾美慧孜，之前已憑《三夫》橫掃三個影后獎，在戲中飾演性上癮女子的她感觸說︰「多謝金像獎畀我呢雙玻璃鞋，多謝（導演）陳果畀船飛我，拍第一套當女主角嘅電影，我亦要多謝坐在台下嘅媽媽！」

《翠絲》掃男女配角

《翠絲》袁富華及惠英紅分別贏得最佳男、女配角，袁富華呼籲說︰「希望老闆們唔好因為電影嘅題材而刁難電影工作者，大家可以支持新嘅題材！」而惠英紅亦表示最支持新導演，她說︰「因為我抵得諗，香港電影圈要百花齊放，我支持啲後生！」此外，特首林鄭月娥頒發終身成就獎予謝賢，她對四哥說︰「佢哋請我頒呢個獎，唔係因為我係行政長官，係因為我夠老。我由細睇你嘅戲大，當時奇怪點解套套都唔同女主角，但男主角淨係得你？」四哥搞笑說︰「我都唔知，可能我貪錢！」

採訪︰Pauline

撰文︰Steven、Pat

編輯︰李潔盈

美術︰鄧建威

攝影︰林良明