進軍飲食業 性感黃美棋做生招牌

黃美棋與好友於將軍澳投資的台灣餐廳昨日開幕，她特別穿上bra top配外套性感現身，做生招牌吸客。她笑言精心為食店的菜式改名，例如將珍珠奶茶改名為波濤洶湧鮮奶茶，非常有霸氣。

黃美棋透露投資六位數字進軍飲食界，昨日獲男友鍾健威現身撑場，好友林盛斌、蝦頭（楊詩敏）、黃建東皆來支持。黃美棋表示開餐廳是由細到大的心願，自己對下廚亦有心得。她說︰「我喺美國讀書嗰陣，食過同學整嘅台式食物，後尾知道一班同學打算開餐廳，於是合資開舖！」

美棋笑言與男友鍾健威一起研究餐廳的菜式名字︰「我希望啲菜式名鬼馬啲，珍珠奶茶改做波濤洶湧鮮奶茶，有人叫我着比堅尼賣奶茶，又有朋友話用我個名，改道菜叫『BB雞粥』。」她強調一有空便會抽時間幫手睇舖。此外，提到女友昨日性感上陣，鍾健威指確實性感，但他尚可接受。

撰文︰Steven

攝影︰林良明

編輯︰李潔盈

美術：Simon