機場拾遺好心上報淪人球 雲海鬧爆：個個都A字膊

人稱「炸兩俠」的前電台主持人陳雲海（雲海）今早在其Facebook專頁發文表示，他昨日搭飛機由非洲抵港後，在機場等行李時發現有人在座椅上遺下手機，遂找在場航空公司職員求助。未料，該職員「串爆」地指這並非其職責範圍，著他找海關處理；當他找到海關關員後，對方竟稱不會處理，著他找機管局職員求助。雲海對此感到十分失望，憤而在文中大罵道：「個個都A字膊！」

{{hket:inline-image name="phone270320191.jpg"}}{{/hket:inline-image}}

雲海指出，他昨日下午2時半左右飛抵赤鱲角機場，走到行李輸送帶等行李時，與朋友發現有人在對開座椅上遺下手機，「我就直接前往行李帶對開搵職員處理」。該名航空公司職員頓時「起晒弶」，並態度囂張地稱：「我哋係唔會理呢啲嘢個喎！你自己處理啦！」、「唔關我哋事㗎喎！有咩事你自己搵人啦！或者你自己執起佢交俾海關啦！」

隨後，雲海無奈地向附近一名海關關員表達同樣情況，未料對方竟稱：「我哋都唔處理個喎！你搵機管局啲同事啦！」此時，剛巧有保安公司的女職員經過，「個海關就截停左佢叫佢幫我處理！個女職員都好盡責即刻call保安主任落嚟！而咁啱喺禁區以外有個日本遊客表達唔見咗個手機，佢返嚟嘅時候就前往我哋看守嗰個座位，確認佢知道密碼取回手提電話！」事後，雲海與保安主任討論自己淪為人球的問題，對方對於航空公司職員及海關關員的做法感到詫異，並提議他向機管局投訴，「我一定會投訴㗎……個個都A字膊！」

{{hket:inline-image name="phone270320196.jpg"}}{{/hket:inline-image}}

他又指，事件中值得一讚的，是當他們「發炆憎」找人幫忙處理問題時，「反而最前線幫手搬行李嘅男職員，肯主動嚟搵我地表示佢搬完行李可以去搵機場其他安全主任職員嚟幫我地手！」最後，他感嘆道：「點解依家香港最前線最冇權嘅人最肯幫人，反而最有專業水準掛住名片掛住職員證嘅航空公司職員及海關可以Hea到咁！所以香港淪落係有一個道理！機場管理局唔該再次向所有職員作一個安全briefing！」

{{hket:inline-image name="phone270320195.jpg"}}{{/hket:inline-image}}

此事引來網民熱議，不少人對於此現象感到驚訝又無奈，「應該又係多做多錯，少做少錯，唔做冇錯嘅原則啦」、「多得炸兩俠，畀香港人再次見識『優質服務』」、「如果係炸彈，就X街了」、「各家自掃門前雪」、「將心比心諗吓，幫小小忙唔係咁難」、「一向都係咁，越有權越唔做嘢」、「怕孭鑊吖嘛」、「上樑不正下樑歪，仗義每多屠狗輩」。

不過，亦有在機場工作的網民留言：「作為前機場員工，我真心希望大家可以理解，機場旅客遺留財物嘅機會同數量係極多，尤其係行李區。如果職員喺照顧其他旅客嘅同時又要照顧如此數量嘅遺留物嘅時候，會增加行李失竊嘅風險，亦無可能應付每分鐘不間斷嘅旅客詢問各式問題。雖然我都認為態度語帶有待改善，但市民應該幫忙去機管局服務處、機場保安站崗等等有能力處理嘅地方，叫相關安保類人士去處理。你係旅客，人哋係返工，迫切性有分別，當大家都幫幫忙。」