挾3影帝拍《使徒行者》 馬德鐘重返影壇

馬德鐘、黃宗澤及方力申昨日出席邵氏電影記者會，視帝馬德鐘被點名與三大影帝古天樂、張家輝和吳鎮宇合作，拍攝新片《使徒行者諜影行動》，令馬德鐘大呼與影帝合作好享受。

馬德鐘提到與古天樂、張家輝及吳鎮宇合作，笑言十分興奮︰「好開心同榮幸參與呢個製作，其實以前分別同佢哋三個合作過，現場啲火花霹靂啪喇，好享受。」他透露扮演警務處處長︰「入行前做警察時係散仔，入行後演警察又係做散仔，跟住做督察，無諗過做到『一哥』。」另外，問到兒子馬在驤是否簽了邵氏？馬德鐘表示邵氏幫兒子接洽工作，但沒有正式簽約。

同場的黃宗澤（Bosco）被指擲過千萬元，在馬來西亞狂掃四個物業，Bosco承認有在當地置業，又說︰「我喺大馬、內地同香港都有物業，阿媽教落買磚頭最穩陣，所以買嚟投資。」

余香凝強吻吳卓羲

另外，余香凝昨日宣傳網劇《飛虎之雷霆極戰》，短片中余香凝跟吳卓羲有接吻戲，她笑說︰「其實係我強吻佢，你哋冇睇到佢好唔情願咩？我唔覺得尷尬，反而好夢幻，因為佢係前輩，我細細個睇佢做《學警雄心》，依家竟然有咀戲。」吳卓羲聞言反應甚大說︰「唔係呀嘛，我哋差不多年紀咋。我都唔敢同三哥（苗僑偉）講細細個睇佢做嘅《天師執位》，我都係話最近先睇咋，我驚余香凝話唔識三哥呀！」

撰文︰Pauline

編輯︰陳禮恒

美術︰梁政敏