男友唔慣對鏡頭 阿Sa求情︰唔好落閃光燈

蔡卓妍（阿Sa）與富二代男友石恆聰拍拖甜蜜蜜，兩人早前結伴出席單立文生日派對，被傳媒首次影到當眾手拖手。昨日阿Sa出席活動時，直言拖手十分正常，更踢爆男友仍未習慣被傳媒追訪。

阿Sa憑電影《非分熟女》角逐金像獎最佳女主角，她早前與攝影師KAON合作，透過鏡頭展示阿Sa不一樣的女性美。近日在會展舉行《非分安分》攝影展，阿Sa表示跟KAON合作無間，今次想拍攝比較個人的相片，尤其以淡粧示人。「平時開工要化粧，所以私人時間一定係素顏。」更暗示男友亦見過她的素顏樣。

提到早前在單立文生日派對後，二人手拖手離開，阿Sa甜笑謂︰「咁都見到啦，好正常，無理由忽然唔拖手。」她又指男友經常陪她出席朋友聚會，但對方並不是圈中人，所以不太習慣面對鏡頭。阿Sa更順勢為男友向傳媒「求情」︰「如果影相，最好喺遠一啲影，或者唔好落閃光燈，唔好太多人一齊影，佢都仲適應緊，佢係明白嘅。」

霆鋒拍動作片自認身痕

阿Sa昨日在會展連趕兩場活動，在《英皇電影巡禮》介紹了她演出的多部新片，如《感動她77次》及《神探大戰》，同場還有李若彤、謝霆鋒及周柏豪等。阿Sa即場分享拍《神探大戰》的苦況，有一幕要用保鮮紙包頭的戲，拍到有點接近死亡邊緣。她解釋︰「本來喺保鮮紙上篤咗兩個窿，但拍近鏡時睇到，最後都要封埋佢，差啲焗死。」

霆鋒和甄子丹將演出導演陳木勝新作《怒火》，多年沒有拍攝動作戲的霆鋒直言「身痕」，更表示高難度動作交由甄子丹設計，霆鋒笑指︰「我呢排操緊，會跑得快啲。（傳你同王菲分手戀上楊冪？）感情事唔答喇！」

撰文︰倪小珊

編輯︰陳禮恒

美術︰梁政敏