孭30磅盔甲 青雲同空氣做戲

古天樂的天下一電影公司昨日在「香港國際影視展」舉行記者會，宣布開拍及推出十多部電影。當中科幻片《明日戰記》耗資超過四億元製作，劉青雲及劉嘉玲均首次拍攝科幻題材，青雲表示要着住笨重盔甲在綠幕前做戲，感覺辛苦又新鮮。

古天樂昨日展示旗下多部將製作及發行的電影，除《明日戰記》外，更有新一集《風雲》、《尋秦記》、《犯罪現場》及《電影痴漢》等。劉青雲在台上笑言拍《明日戰記》完全不用化粧，古仔亦笑說：「拍攝現場有基地同冧咗嘅大廈實景，感覺好震撼，原來香港人都做到咁大型嘅電影。」

青雲與嘉玲在記招後接受訪問，嘉玲坦言記對白相當辛苦：「因為有好多生物上嘅名詞，同埋記好多科技嘢，我都記到頭痛，好彩導演識提醒。」憑電影幫古仔衝出亞洲？她笑說︰「乜佢唔係已經衝出亞洲喇咩？」

靠吊威也做動作

而青雲覺得科幻題材非常新鮮：「拍嗰陣好多冧樓嘅景，不過有時都要對住綠幕同空氣演戲。」問他可有拍攝西片的感覺？他說：「又未至於，但呢套係幾特別嘅電影，我拍嗰陣要着住一套30幾磅嘅盔甲，但只係一套衫，唔係真嘅機械，所以行呀跑呀呢啲動作，要靠吊威也去郁，感覺非常之笨重。」他坦言盔甲戲服每拍完一個shot都要脫下，一日重複穿幾次，所以十分疲累，但他笑說：「不過相比起，都係演消防員辛苦啲！」

採訪︰Pauline

編輯：李潔盈

美術：梁政敏