自認胃口大 阿嬌一日食足7餐

鍾欣潼（阿嬌）、吳千語、鄭嘉穎及周秀娜等前晚出席東方影業春茗，老闆黃百鳴更三代同堂現身。阿嬌早前被指幸福肥，她坦言本身一日吃七餐，但現在為了減肥，只能一日一餐，相當刻苦。

鍾欣潼早前出席活動時，明顯心廣體胖，但前晚所見已清減少許，她坦言自己的確胖了，所以積極做gym加節食減肥︰「我以前差唔多一日食七餐，餐餐都清晒，因為個胃大咗。」老公見她節食會否心痛？她笑說︰「佢都減緊，佢食得好健康，相反我好重口味。」

提到好姊妹蔡卓妍（阿Sa）準備雪卵，早已完成雪卵的阿嬌坦言過程相當辛苦︰「當時要隔日打針同抽血，要叫護士上門打針，影響荷爾蒙所以肥咗20磅，所以嗰陣演唱會最肥。之後要做排毒療程同控制飲食，過一段時間先回復正常。」她笑言阿Sa可以問容祖兒雪卵心得，因為祖兒在過程中完全沒肥過。

扯甩臨記假髮

阿嬌早前演出新片《女子監獄》，她在電影中有不少打鬥戲︰「有幕群毆場口，我大力得滯扯甩咗臨時演員嘅假髮，本身我扮到好惡，但都忍唔住笑咗，之後補拍番都唔敢扯得咁大力。」另外，前晚春茗上，盧海鵬大開金口獻唱羅文名曲《激光中》及《醉眼看世界》，帶動全晚高潮。

撰文︰Pauline

攝影︰林良明

編輯︰李潔盈

美術︰招潤洪