否認擺金龍陣求子 城城︰仔女無所謂

郭富城太太方媛（Moka）正陀第二胎，有指思想傳統的城城為求一索得男，請風水師在自己位於大坑的「城堡」改擺金龍陣。城城昨日稱擺設只為家宅平安，強調胎兒是男是女也沒所謂，最重要為大女Chantelle添多個伴。

郭富城、楊千嬅、任賢齊及鄭秀文（Sammi）等，昨日出席「香港影視娛樂博覽」2019寰亞電影發布會。快將再為人父的城城心情大靚，有雜誌指他本在大坑家中天台放了九條青龍擺設，但最近換上金龍，改擺「金龍多子陣」，務求生個小王子。城城昨日笑着否認說︰「其實只係之前打風吹爛咗條龍，所以換過新嘅，保家宅平安，我已經係爸爸、丈夫，當然要保護屋企人，希望大家平安，唔好亂咁噏。」

城城強調無論第二胎小公主或是小王子都一樣開心，因他不想大女Chantelle成長過程孤單，所以希望為囡囡帶來細佬妹。日前方媛在baby shower上與藍色蛋糕合照，莫非是男嬰？他笑笑口說︰「都未check！我唔明點解大家咁介意。」在旁的楊千嬅立刻替他解圍，表示懷孕期間不宜講太多，城城聞言說︰「老人家唔鍾意成日提住，唔好逼我講，多謝大家關心。」另外，城城與千嬅合演新片《麥路人》，城城表示自己的角色患絕症，因太投入演出，拍攝後一段時間才抽離角色。千嬅說︰「有時去到片場同城城say hi，佢會好冷漠，其實係投入喺角色中，同佢演對手戲，好快被佢帶入戲。」

Sammi扮大家姐過足癮

同場的Sammi與賴雅妍及李曉峰，在新片《花椒之味》中演三姊妹，鍾鎮濤（B哥哥）飾演她們的爸爸。Sammi表示與B哥哥相識多年，平日也看到他對子女付出無條件的愛。另外，Sammi現實中是家中么女，但在戲中演大家姐，她笑說︰「做大女責任感好大，演得好過癮。」

採訪︰Pauline

編輯︰李潔盈

美術︰招潤洪