不再追究撞車意外 林夏薇裝車Cam自保

林夏薇（薇薇）、林作及楊明等前晚出席慈善晚宴，薇薇早前因交通意外傷及頸和腰，對方被判無罪，薇薇曾在IG表達不滿，但她前晚心情已好轉，並稱學懂釋懷，不再執着結果。

薇薇前晚穿上高踭鞋到場，她提及傷勢時表示︰「條腰已經好番啲，前兩日仲學跳舞，啲嘢過咗去，經一事長一智。我唔會驚咗揸車，但自己都會小心啲，今日都特登裝番車Cam。」薇薇本身忙於打理生意，她坦言不再為小事去嬲。

對於堂兄林峯早前帶女友張馨月返家鄉廈門，問到二人是否好事近？薇薇相當謹慎回應︰「唔知喎，我唔敢講佢啲嘢。（將來二人結婚可會負責包酒席？）我唔介意，最緊要佢開心，不過佢暫時以工作為主。」

林作拒評麥明詩谷胸

林作撑拐杖出席林村活動，他表示三個星期前做手術割去右腳趾雞眼，還苦笑謂體會到女人生產的痛楚。上周六晚舉行國際中華小姐競選，他的前度麥明詩谷胸做主持，林作卻封口說︰「我唔評論任何女性喇，我真係好少睇電視。」

此外，楊明剛度過38歲生日，他直言︰「想盡快成家立室，但我同女友（莊思明）都想完成手頭上嘅工作先，我知女友都等得嘅！」

撰文︰Pauline

編輯：陳禮恒

美術：梁政敏