《P風暴》繼續反貪 古仔為查案入冊

由黃百鳴監製、林德祿執導、古天樂主演的反貪風暴系列電影均叫好叫座，新片《P風暴》除了古仔外，林峯、周秀娜首度加盟，第一集《Z風暴》的林家棟亦強勢回歸，加上鄭嘉穎、張智霖、張繼聰等，眾人在片中互鬥演技。

《P風暴》中，古天樂飾演的ICAC高級調查主任陸志廉，為查案不惜犯事入獄。古仔在獄中面對橫行無忌的地產集團富二代林峯、以及《Z風暴》中被古仔拘捕入獄的林家棟，古天樂和兩大惡勢力鬥智鬥力，相當驚險。

為搭出逼真的監獄場景，古仔和劇組多次與懲教署開會商討，古仔大讚懲教署的幫忙及安排︰「唔單止籌備，拍攝嗰陣亦有懲教署職員到場，提供專業意見。因為監倉有好多規矩同術語，邊啲可以拍、邊啲唔可以拍，懲教人員同犯人嘅相處都要仔細了解先可以拍出嚟，追求真實感！」

林峯見「監獄」大開眼界

至於林峯笑言首次踏入片場，一見逼真的監獄也大開眼界︰「我未見識過真正嘅監獄，之前上網睇過相，所以去到片場，見到嘅同上網睇到嘅一樣，都覺得驚訝。身處一個咁真實嘅監獄，自然就覺得自己係囚犯。」林家棟則說︰「有幕沖涼戲，我哋成班犯要拎邊種番梘同毛巾，懲教署人員全部有資料畀我哋，我從未演過囚犯，今次感覺好新鮮。」

撰文︰Pauline

編輯︰李潔盈

美術︰招潤洪