佘詩曼幫周家怡揀戰衣

佘詩曼（阿佘）前晚在春茗獻唱一曲《遇見》，阿佘近日在橫店開工拍劇，預計拍到四月才完成：「依家橫店天氣開始回暖，無咁凍都好啲，唔會咁多人病。」

提到《花花世界花家姐》好友周家怡憑《無雙》入圍金像獎最佳女配角，阿佘開心說：「我呢排唔喺香港，希望等佢攞到獎慶祝，但攞唔攞到都會食飯，好想佢得獎！」會否為周家怡挑選戰衣？她笑說：「睇下佢問唔問我，有一定畀意見，我覺得最緊要靚，接唔接受性感就要問佢。」