陪到澳洲開課後返港 黎瑞恩與子女險失聯絡

黎瑞恩（小恩子）昨日到旺角出席「Now TV童學玩動會」活動，她表示剛陪同子女到澳洲入學，自爆有點唔捨得，回港後更一度無法聯絡子女，最後要急call老師幫忙搵仔，十分搞笑。

黎瑞恩、李佳芯男友陳炳銓、伍家謙及譚淇淇等昨日出席活動，小恩子透露讀書時是泳隊，曾代表學校參與蛙式游水比賽，不過最後游包尾，更被高年班同學嘲笑。小恩子表示︰「我發誓第二年要贏，就喺暑假苦練，第二年再同佢哋比賽，一跳落水就拼命游，點知游咗個冠軍。」而小恩子對球類運動都有興趣，唯獨不諳滑雪，她續稱︰「上次同仔女滑雪，見到其他人左穿右插剷跌人，好危險。」

李佳芯到西藏

小恩子農曆新年前陪子女到澳洲讀書，她透露囝囝在她離開時顯得不捨，所以回港後第一時間找對方，卻聯絡不上，小恩子謂︰「我要搵老師，叫佢打番畀我，隔咗幾日，佢聽完我啲WhatsApp後，淨係講咗句『媽咪，早唞！』不過知道佢讀得開心，如果唔開心，一定會打電話嚟投訴，依家咁樣反而放心。（習慣寄宿生活？）再過一排應該習慣，唔會再做『臘鴨』。」

至於李佳芯被指工作壓力大，引致「爛面」要半停工，陳炳銓澄清女友只是不夠時間休息，才令臉頰長滿粒粒，他解釋︰「做演員對自己要求高，壓力一定有，加上唔夠休息令身體機能變差，瞓覺休息夠就無事。」他又透露李佳芯現時身在西藏開工，數天後回港，他表示︰「我反而擔心佢喺當地唔知有咩反應。」

撰文︰倪小珊

編輯︰陳禮恒

美術︰梁政敏