腳趾骨裂缺席渣馬 蔡思貝：我傻瓜踢落鐵柱

向來是長跑好手的蔡思貝，今年缺席渣打馬拉松，原來她新年前踢傷腳趾導致骨裂，結果新年足不出戶休息，希望趁四月開新劇前養好身體。

蔡思貝前晚偕袁文傑、李璧琦等到銅鑼灣出席網劇《警察故事》煞科宴，思貝透露新年期間都在家中休養，皆因她由頭傷到落腳！她說：「一月嗰陣，自己傻瓜踢咗落鐵柱，原來腳趾骨裂咗，但因為我本身好忍得痛，以為只係肌肉痛，期間仲去咗打籃球！」思貝直至上星期才難忍痛楚看醫生：「照完X光，醫生都鬧我，話我遲咗成個月先嚟睇，原來傷口已經好深，醫生幫我包紮好之後，仲窒我咁忍得痛，止痛藥都唔使畀我。」

趁放假學唱歌

雖然思貝腳傷仍未康復，但貪靚的她日前照着高踭鞋現身。她自爆除了腳傷外，腰部早前亦受傷，頸骨又移位：「今年好遺憾參加唔到馬拉松，依家希望趁假期調理好身體，免得傷肝傷腎就麻煩。」她將放假到四月，除了休養外，也希望上堂學唱歌：「因為想表演嗰陣專業啲，如果腳傷好番啲都想跳舞，我一直都好鍾意跳舞。」另外，前日是元宵佳節，不過思貝直言沒有男士約會她，問她是否出席網劇煞科宴，順便避開追求者？她自嘲說：「我呢啲咁嘅質素邊度有，哈哈。」

採訪︰Pauline

攝影︰林良明

編輯：李潔盈

美術：梁政敏