下月拍《尋秦記》 宣萱唔心急識男友

宣萱昨日到銅鑼灣出席活動，踏入豬年，她透露上半年除了要開拍電影版《尋秦記》之外，更會飛到外地參加朋友的婚禮及大學周年聚會，現階段單身的她，揚言緣份天注定，不會刻意強求。

宣萱和森美昨日到銅鑼灣出席「虛擬場地單車館」啟動禮，現年48歲的宣萱保養得宜，她透露閒時最愛行山keep fit︰「讀書時鍾意玩跳彈床，但入咗行就無時間玩。同埋以前食極唔肥，因為鍾意做運動，但依家一食就肥，又唔鍾意做運動，所以選擇行山。」宣萱透露三月尾要返內地拍攝電影版《尋秦記》，預計拍到五月底，因六月她要到法國參加朋友婚禮，七月又轉飛英國參加舊同學聚會，相當忙碌。

慶幸膝下無兒女

問宣萱屆時可會趁機找對象？她笑言︰「無諗喎，依家一個人好開心，可以做自己鍾意嘅事，唔好搞我，隨緣啦，緣份要嚟就嚟。」宣萱坦言在35、36歲時有一刻想過當媽媽，現時則慶幸沒有小朋友，她說︰「生小朋友好大壓力㗎，驚生咗一個，無哥哥姐姐分擔會好大壓力，到我兩腳一伸，剩番佢一個好慘。」

撰文︰倪小珊

編輯︰黃卉彤

美術︰梁政敏