榮升鐵板燒老闆 胡子彤約歐鎧淳撑枱腳

憑電影《點五步》由棒球員變成演員的胡子彤，近年專注拍戲外，今年更進軍飲食業，跟胞兄及已故化粧大師陳文輝的孫兒Gary Chan投資，齊齊榮升鐵板燒店老闆。新店在新春期間開張，除了好友吳肇軒、談善言及陳宇琛支持，胡子彤女友歐鎧淳當然親身撑場。

為何有興趣開餐廳？子彤說︰「主要係自己好鍾意食，平時同班朋友都鍾意食肉、燒烤類同飲下酒。雖然自己未必好多時間喺餐廳幫忙，但我會不斷推介畀朋友，叫大家約食飯就嚟呢度！」會否經常帶女友撑枱腳？他說︰「都會㗎，生日、情人節、乜乜紀念日都喺度食，我諗女朋友唔介意嘅！講笑啫，今年情人節除咗食飯，我都親手整咗份禮物畀佢，好在佢都滿意。」