《紅日》變獨男悲歌 克勤讚網民改詞勁到肉

向來創意一流的網民，趁昨日情人節特別「關注」一眾單身人士，在網上討論區二次創作李克勤經典金曲《紅日》，改編成單身狗悲歌《2月14顛沛流離》，迅即hit爆網絡，連身在內地工作的克勤亦有留意。

克勤前晚在IG上載該首改編歌詞，留言說︰「我人在賓陽工作，知道大家咁畀面，本來真係想唱一唱，反正我也不是甚麼斯文人，但又驚啲仔睇到聽到，你知呢啲嘢小朋友學得最快……祝大家情人節快樂，單身的就盡快脫單，謝謝大家。」他昨日在IG再po影片，講了兩句歌詞後大讚︰「好嘢呀，咁都被你哋諗到！」