目標開個唱 王浩信想攞最受歡迎男歌手

王浩信、薛家燕及湯洛雯（靚湯）昨日錄影《新春開運王》，獲堪輿學家李丞責指點豬年運程。視帝王浩信當年以歌手身份出道，未忘初心的他坦言很想開個人演唱會，更希望贏得「最受歡迎男歌手」！

屬豬的王浩信今年是本命年，他雖有宗教信仰，但也會參考李丞責的意見，又坦言最想問自己今年的音樂發展方向。問他是否想開演唱會？他坦言：「想呀！如果依家唔做，將來都唔知仲有無機會做，好多觀眾對我嘅認知係演戲，希望佢哋記得我唱歌出身。」他笑言以「最受歡迎男歌手」為目標：「我明白唔係一朝一夕做到，需要花多幾年努力。依家我都向公司提出唱多啲劇集主題曲，差唔多每部都有畀機會我，希望每次都有進步。」

家燕姐爆靚湯多人追

同場的薛家燕早有圈外男友，問她會否問師傅何時開花結果？家燕姐即轉移視綫，笑言最關心反而是曾演其女兒的湯洛雯（靚湯）。靚湯笑言有三位師傅批算她豬年行姻緣運，李居明更指她有三個追求者。家燕姐聞言即說：「唔止三個，佢好多人追，好多人探班！如果佢嫁，我唔送金豬都送金鏈喇！」靚湯澄清說：「真係無人嚟探班，不過三位師傅都話我2020年好事近。」家燕姐聞言開通說：「依家好多人有咗BB先結婚啦，情投意合就得！」

隨後靚湯「反擊」笑問家燕姐會否閃婚？家燕姐搞笑說：「除非我有咗BB就會閃婚，不過我呢幾年食咗靜心，生B惟有等我個仔同新抱喇！」靚湯叫家燕姐不要常常留在家，以免阻礙兒子新抱「造人」，家燕姐說：「我住個仔隔籬，上去佢哋屋企前會問一問先，知道佢忙我就唔打搞，我好明事理！」

採訪︰Pauline

編輯︰李潔盈

美術︰梁政敏