赴韓拍真人騷 黃智雯捱病患流感

黃智雯（Mandy）昨日到將軍澳出席無綫真人騷節目《一個因去跳舞》記者會，她透露早前往韓國拍攝時，不慎患上流感而要自我隔離，她又自爆有韓國小鮮肉以為她只有20歲，令她心花怒放。

黃智雯昨日邀請好姊妹趙希洛任嘉賓，二人更齊齊以黑色低胸打扮現身，大曬長腿的Mandy更孖住趙希洛重演11年前在藝員訓練班演過的歌舞劇。事後Mandy有感而發，眼濕濕大讚趙希洛是她的靈魂伴侶，又希望節目有Part 2，屆時她便可帶趙希洛到倫敦演百老滙音樂劇。

Mandy表示赴韓國拍攝節目期間，由於行程太緊密及不夠休息，第六天便發高燒、咳嗽及失聲，之後到醫院求診，確診患上流感。她說︰「呢次係我人生第一次喺外地睇醫生，打咗支針，因為我患嘅流感有可能會傳染人，所以停工一日喺民宿休息，第二日就繼續開工。（服裝太性感所以冷病？）我着校服拍㗎！」

勁舞遭評判冷待

節目中，Mandy到當地的一間經理人公司面試，同場有位女考生只得13歲，令她相當驚訝︰「嚇到我一額汗，我大佢幾倍！我嗰日揀咗表演跳舞，不過啲評判望都無望過我一眼。」課堂上，更有一位十多歲的小鮮肉男同學和她練舞，她笑笑口說︰「個男仔估我年紀只係20歲，聽到好開心，不過我無講到自己真實年紀，唔需要太認真。」

撰文︰倪小珊

編輯︰李潔盈

美術︰顏玉玲