陳茵媺爆大仔細囡鬥嗲

陳茵媺（Aimee）和蔣怡昨日出席品牌活動，平日主力照顧家庭的Aimee，偶然丟下屋企去開工，不過她和老公陳豪分工合作照顧三個孩子，Aimee讚陳豪湊小朋友相當叻，仔女亦不會打交，令她輕鬆不少。

Aimee昨日穿上開胸西裝有型又養眼，她笑言是健康的性感。她開工時，照顧小朋友的任務就交給老公陳豪了，Aimee說︰「佢ok嘅，好多我做到嘅，佢都做到，當然未必似我咁好，但係佢都得，所以放心。（在屋企會爭住湊小朋友？）會，由大仔開始已經係，聽到喊就會出去睇，小朋友都好黐我哋兩個。（細女最嗲爸爸？）阿女其實個個都嗲，本身性格真係好嗲，對住媽媽爸爸都會嗲，大仔到依家都仲會嗲我哋。」

Aimee提起三個寶貝就忍不住笑︰「大仔同細女平日鬥嗲，反而二仔比較Man及靜，將自己嘅情緒收埋。（三個小朋友喺屋企會打架？）好少，爭玩具都會，最終都會解決得到，因為我成日同佢哋講『We are one big happy family, we need take care each other。』教佢哋要互相照顧，所以好細個就學識互相遷就，大家先可以公平啲。」早前Aimee親自設計家庭月曆，讀設計出身的她，偶然會製作家庭相集，希望給家人及自己重溫過去一年的美好回憶。

蔣怡全家出動引囝囝笑

已育有兩名孩子的蔣怡讚Aimee從容照顧三個小孩，要向對方取經。蔣怡坦言仍在適應湊兩個小朋友的生活，提到兒子七個多月大，為了逗他笑，全家包括五歲多的囡囡都會出盡法寶，她笑謂︰「成家人好似癲咗咁，成日喺屋企唱歌、跳舞、講笑話引佢笑。」

撰文︰Pauline

編輯︰黃卉彤

美術︰梁政敏