陳曉東 唔八卦誰是栢芝BB生父

陳曉東（東東）前晚為《新城勁爆頒獎典禮》擔任表演嘉賓，提到舊愛張栢芝早前榮升第三任媽媽，東東大方送上祝福。對於栢芝BB的生父身份成謎，東東坦言無意八卦。

陳曉東前晚在台上獻唱經典歌《心有獨鍾》時，遞咪給台下歌手一齊唱，雖然周柏豪對不上嘴，但張敬軒和鄭欣宜跟住唱之餘，欣宜更跳舞，帶動全場氣氛。東東笑言已十年沒有參加頒獎禮，自己本身亦認識軒仔與欣宜：「我識欣宜嗰陣，佢仲係小朋友。嚟緊我會留喺香港一段長時間，要準備明年嘅演唱會，我少聯絡香港artist，都想睇下邊個有時間，叫佢哋一齊嚟（演唱會）玩。」

東東預計留港期間，會一、兩個月見不到在北京的女兒，為何不叫囡囡來港探望？他笑說：「佢哋好忙，要上芭蕾舞、唱歌班、跳舞畫畫班，抽唔到期畀我，所以要自己過新年。」提到舊愛張栢芝早前誕下第三個兒子，東東表示已透過傳媒恭喜對方，問他知否BB生父是誰？他說：「做朋友唔會問呢啲嘢，佢唔主動講，我都唔會問。」

Kay：古天樂度期去叱咤

同場的謝安琪（Kay）奪勁爆女歌手，又憑與古天樂合唱《（一個男人）一個女人和浴室》獲得合唱獎。問到古天樂會否出席明日舉行的叱咤頒獎禮？Kay說：「古生話好想嚟支持，不過要拍戲，度期好困難，佢都盡力希望嚟到。」她又笑說：「古生話就算佢可以出席支持，佢都無話會唱歌，佢一直都話唔唱現場嘛。佢覺得入到圍已經好感恩，亦無話一定要攞獎。」

另外，有指Kay老公張繼聰與蕭定一滿約後，會加盟麥浚龍（Juno）的公司，Kay幫老公澄清說：「老公跟蕭生合作愉快，雖然公司有啲變動，不過老公工作無變，收入都無影響，相信會再合作一段時間。」

撰文︰Pauline

編輯：李潔盈

美術：梁政敏