舊愛曬裸照 麥明詩：唔驚訝

麥明詩（Louisa）舊愛林作早前Po裸照賀自己生日，引起網民熱烈討論。對於舊愛這種大膽行為，Louisa笑指早已習慣，亦不覺得驚訝。

麥明詩昨日到銅鑼灣出席車仔麵店開幕禮，她的哥哥更帶同女友現身撑場。提到林作在網上分享「剝光豬」床照，Louisa坦言不感到驚訝︰「我習慣咗，佢一向有潛質，佢從來唔會被世俗眼光規限，所以我唔覺得驚訝。（身形靚嗎？）都幾靚，同拍拖時都係咁上下。」她更笑謂從沒有被對方邀請過影類似的相。

此外，麥明詩即將參與踩單車到柬埔寨慈善活動，全程約2,500公里，預計花20多日完成，目前由前港隊教練陪同操車，一星期訓練兩、三次。問她會否跟教練踩出愛火花？Louisa說︰「運動員都幾好，佢婚姻狀態好似係單身，30幾歲，好畀心機教我，但同我之前鍾意嘅類型唔同。」她強調每次見面都只是練車。

踩單車到柬埔寨

記者搞笑問她，教練的外形會否跟舊愛一樣頭髮蓬鬆？她笑言︰「佢踩單車戴頭盔，唔知道喎！」沒有踩長途車經驗的她，可有信心完成任務？Louisa表示會盡力而為，又笑言︰「萬一頂唔順，都可以上隨行車休息。」

採訪︰Pauline

攝影︰林良明

編輯：陳禮恒

美術：招潤洪