妻女首度公開撑場 劉華紅館曬溫情

劉德華一連20場跨年演唱會前晚開鑼，出了名保護家人的華仔，太太朱麗倩及女兒劉向蕙（Hanna）竟然破天荒現身紅館撑場，不少粉絲對華仔御准妻女露面感到很surprise，又大讚「劉家淑女」樣子清秀，遺傳了父母的優良基因。

相隔八年，華仔再度登上紅館舞台舉行《My Love劉德華World Tour 2018》跨年演唱會，亦是他去年一月墮馬受傷後首次開騷。頭場演唱會除了吸引了昔日五虎成員的黃日華、苗僑偉，以及鄭中基夫婦等捧場外，華仔的父母、太太及女兒Hanna亦全家總動員現身。

六歲的Hanna雖然第一次在公開場合露面，但表現淡定，她不時與媽咪及身旁的嫲嫲談話，又跟華仔的粉絲揮手，而且全程乖乖坐在媽咪大腿上睇足全場，直至完騷才離去。有粉絲事後盛讚Hanna有點像華仔小時候的樣子，而且愈大愈靚女；更有粉絲表示能夠見證華仔一家三口同場，大為感動。

取消握手環節

華仔在演唱會上與舞蹈員載歌載舞，更站在只容一個人身位的吊台上，環繞紅館一圈，畏高的華仔笑言有點「淆底」，但強調十分安全。雖然傷癒不久，但華仔都傾盡全力演出，他甫開場即感性表示︰「上年自己唔小心，要大家擔心，喺呢度我好慎重、嚴肅同真誠同大家講聲多謝，過去嘅一年收到好多祝福，多謝！」

完場後，華仔直言給予自己60分，但就未問囡囡給他多少分數。對於演唱會中途，天幕投影一些小朋友畫作，華仔透露是Hanna的功課，他更指太太和女兒來支持都是他的安排︰「我係一家之主，梗係我叫。堂堂正正咁睇，唔使避。（取消咗握手環節？）係，醫生驚我chok親，坐車都叫司機唔好突然煞車。」

撰文︰Pat、Steven

協力︰Crystal

編輯︰黃寶恩

美術︰Simon