瞓身備戰MIRROR處男騷 隊長Lokman︰我們好幸運

男團「MIRROR」將於下周五首度開騷，12位成員正密鑼緊鼓積極綵排，早前隊長Lokman（楊樂文）率領多位成員暢談準備工作，他又透露音樂會將以自己最強的跳唱報答粉絲；至於Edan（呂爵安）則預告屆時大玩樂器，盡展音樂才華！

MIRROR在周一開始，逢星期一晚會出現在ViuTV的綜藝真人騷《Good Night Show MIRROR GO》，他們在首集穿上BB裝束玩轉澳門大街小巷，完成各種不可能的任務。Lokman透露現時為節目已不停在香港及外地拍攝，加上要準備音樂會，因此非常忙碌，他說：「節目好似韓國《Running Man》，我哋12個男仔玩遊戲激發大家的獸性，不過海外拍攝時24小時見面，兼且一齊住，加埋綵排，大家變得更熟落及有默契！」

Edan︰玩battle望有火花

提到下周五的音樂會，Lokman會與Edan、Frankie（陳瑞輝）及Ian（陳卓賢）有一個四人合作表演環節，Edan表示︰「我哋會好似玩battle對戰咁表演，自己和Ian負責音樂部分，中間又會有啲crossover，希望唔會似比賽時咁平淡，多啲火花，經理人花姐都畀咗唔少意見！」Lokman更指Edan在solo部分表演樂器時，他會在對方身邊「做啲嘢」，務求令畫面更豐富。

談到自己的solo部分，Lokman說︰「我在《全民造星》總決賽玩rap炒熱全場氣氛，原本今次打算特別啲淨係唱一首歌，最後花姐叫我跳唱為主，穩陣啲！」對於可以極速開騷，他直言心存感恩︰「身邊好多人都話我哋好幸運，好少組合出道咁短時間就開騷，我哋要多謝《全民造星》這個節目咁爆，花姐亦都好成功！」

服裝︰COS

採訪︰Steven、Pat

攝影︰林良明

編輯︰黃寶恩

美術︰梁政敏