Eason廣州發布會 首播盧凱彤作品MV

eason and the duo band《L.O.V.E.》新專輯發布會，昨日於廣州舉行。陳奕迅（Eason）與Duo團隊部分成員王雙駿、恭碩良、蘇德華、孫偉明及翁瑋盈亦有出席。

陳奕迅（Eason）與Duo團隊於2010年成軍，花了兩年時間在世界各地開了66場演唱會。事隔八年推出新專輯《L.O.V.E.》，Eason表示很慶幸遇上一班傻人跟他一起做傻事，但專輯推出後，他坦言有點失落︰「之前有人問到Duo Band嘅下一步，好大件事，阿妹（盧凱彤）走咗，已經唔完整。就算有都係紀念音樂會，唔會再有第二隻碟。」

下一步如何走

期間首播由孫偉明及盧凱彤共同創作的歌曲《海裡睡人》MV，由動畫拼湊而成，結尾盧凱彤拖着Eason飛出困境，最後留下Eason及一根羽毛。事有湊巧，MV播放完畢後，Eason發現台上有一根羽毛。Esaon說︰「依家所有嘢都係為佢（盧凱彤）而做，我睇咗六、七次Duo Band嘅記錄片，開始適應佢唔係度，但當然永遠都唔會適應。好彩嘅係記錄咗佢嘅聲音同影像，我夠膽講，阿妹喺Duo Band時係好開心嘅！」他又指下一步可能是紅館跨年騷，「入咗紙要下個月先知，最衰口快快講咗出嚟，開唔到咪好瘀！（競爭對手是謝霆鋒？）佢都無同我講過！我可以跟霆鋒一齊開，個場一人一半，分兩邊鬥大聲！」

撰文：Pauline

編輯：黃卉彤

美術：梁政敏