勁冧長腿跑步教練 洪永城︰佢優點多到講唔完

洪永城（Tony）去年與唐詩詠分手後，一直保持單身，直至近日Tony被爆戀上30歲模特兒兼跑步教練梁諾妍（Inez），他昨日出席活動時明顯神采飛揚，不但默認新戀情，更大讚Inez優點多多，叮囑大家不要嚇走女友。

洪永城日前被拍到與長腿跑步教練Inez，雙雙離開男方寓所，當時他們被記者追訪表現略為尷尬。昨日Tony出席楊秀惠的美粧店開幕，春風滿面的他默認戀情，大方接受記者恭喜：「了解緊，畀啲空間我哋。」他坦言彼此交往數月，發展順利，對於日前女友被記者追訪，他笑說：「有記者出現之後，（發展）有少少阻滯咁囉，佢（Inez）好慌張呀！」

問到Inez是否在他家中過夜？Tony沒正面回應，只表示彼此了解中：「新聞出街後我哋都有傾過，怕嚇親佢，佢心情都平復咗，你哋唔好嚇走佢呀！」他大讚Inez是好女仔：「佢係長跑教練，開咗間健身中心。（哪一方面最吸引？）佢太多優點，要講一、兩個鐘都講唔完！」至於舊愛唐詩詠透過傳媒送上祝福，Tony大方表示多謝：「唔係好多人知（拍拖），因為了解中，但記者神通廣大都無辦法。」至於Inez亦透過模特兒公司回應傳媒，表示跟Tony了解中，望外間給予空間。

張衞健（Dicky）亦現身支持《大帥哥》姨太太楊秀惠開舖，雖然他只匆匆逗留十分鐘便離開，但宣布《大帥哥》首周跨平台平均收視28.5點，成為今年九點半時段最高收視劇集。他說：「我媽咪晚晚都有睇，仲話『恬妞』做得好好，原來佢講緊『艾妞』（楊秀惠角色名字）。」

楊秀惠「艾妞」變「恬妞」

演技獲讚的楊秀惠十分開心，提到前晚播出的一場爆喊戲，她特別多謝張衞健的教導：「嗰場戲Dicky幫我重新度過啲對白，先會咁精采！」有網民睇好她力爭「最佳女配角」，她笑言最開心得到觀眾認同，得獎與否只是其次。另外，楊秀惠本身在東南亞已擁有四間美粧店，昨日開設第五間分店，她坦言多年兼顧生意不容易，所以心情特別激動。

採訪︰Pauline

編輯：李潔盈

美術：梁政敏