MIRROR囝囝驚喜賀壽 劉美君感動變喊包

劉美君忙於拍攝ViuTV新劇《好人好姐》，前日踏入54歲生日的她，獲男團MIRROR一眾成員驚喜現身片場賀壽，令《全民造星》導師劉美君感動落淚。

雖然前日是劉美君正日生日，但她仍要開工拍劇，當日一眾MIRROR囝囝，一邊捧着蛋糕和禮物，一邊唱着生日歌，突襲到片場替她慶祝生日，令她十分驚訝︰「我個心跳得好快，事前完全唔知道。之前喺社交平台見到MIRROR好忙，我仲叫他們得閒嚟探我班。但我又唔好意思成日搵佢哋，怕佢哋覺得我好煩。」MIRROR即說︰「美君老師成日都關心我哋嘅情況，仲會留言鼓勵我哋，佢喺《全民造星》比賽時嘅教導，對我哋依家嘅工作可以學以致用！」

劉美君感動得哽咽地說︰「我忍唔到啦！」攬實成員Jeremy落淚，而MIRROR深情跟她說︰「我哋永遠愛你美君媽媽！」劉美君亦許下生日願望︰「希望可以繼續啟發年輕一輩，做一個最好嘅54歲女人。」

社交網曬生日禮物

昨日劉美君大曬MIRROR送的生日禮物說︰「我親愛的男孩們知道我喜歡鍛練身體和自拍，所以送媽媽一套新的運動服和iPhone XS Max，非常感謝你們。」

撰文︰倪小珊

編輯︰李潔盈

美術︰梁政敏