神還原《百分百感覺》 Sammi狂揸伊健大髀

鄭伊健將於明年二月紅館開個唱，圈中好友鄭秀文（Sammi）及葛民輝（阿葛）不但現身力撑，三人更齊齊「神還原」22年前電影《百分百感覺》的情節，合唱一曲《問我》，為個唱熱身。

鄭伊健的個唱門票今天早上十時正式發售，首日將不設售票處售票。伊健與一眾好友接受商台訪問，昨天播出第一集，由Sammi和阿葛打頭陣，三人甫見面，即互爆22年前拍戲的笑料。他們當年合作電影《百分百感覺》，雖然電影被多次翻拍，但他們被譽為「元祖級」主角，最深入民心。

看到當年拍攝的電影海報，伊健突然指住Sammi爆料︰「有一次我哋喺天台拍戲，佢着住校服，突然講咗句『我要曬太陽』，然後就瞓喺度曬。當時我心諗︰『你好多雀斑喎，仲曬？』哈哈！」三人相識20多年，老友鬼鬼，Sammi大膽提出揸伊健大髀，她說︰「傳說中鄭伊健條腿好粗，好似80年樹幹咁粗！」她用雙手箍實伊健大髀量度說︰「原來都唔係吖！」伊健解釋以前經常健身舉鐵，才有此成果。

見梁詠琪唔尷尬

三人手持《百分百感覺》海報拍照，只見伊健舊愛梁詠琪亦在海報中現身，Sammi搞笑說︰「使唔使幫你摺埋佢？」伊健輕鬆答︰「唔使，我好open！」另外，阿葛提議屆時三人在台上合唱《問我》，更即場預演熱身，但兩位男士不停走錯位，場面爆笑。

撰文︰Pauline

編輯︰李潔盈

美術︰梁政敏