深水埗 $115歎300g石板牛扒

深水埗區頗有人氣的混亂拉麵早前結業，這個月搖身一變成石板牛扒專門店，同是日本通Meter Chen所開，雖然賣的食物大不同，但一樣吸引不少人捧場。

新店採日本流行的自助購票形式，入座前先買票，入座後將單據交予職員，即可待枱前的電子提示器響起，再自取食物。受歡迎原因有三︰一是質素，二是抵食，三是好玩DIY。雖然店內食物選擇不多，只有3款牛肉部位可揀，但整體肉質夠嫩不乾有牛味。招牌「三拍子牛扒」選用安格斯牛，肉味香，亦較有口感；牛柳選用巴西和新西蘭貨色，比一般餐廳厚切，肉質最軟嫩；西冷牛扒肉味最濃。

食客愛打卡

牛扒分200g、300g、400g三個分量，看看價錢，倒十分划算，200g的「三拍子牛扒」只需$75就有交易，扒餐價錢更包括了任食沙律、湯和白飯。牛扒用鹽和胡椒輕輕調過味，再由師傅將它煎至一成熟並放上熔岩石板，石板熱力能維持約10分鐘，食客可自行煎至喜愛熟度，概念和前陣子十分流行的吉列牛一樣，有得玩有得食，又有得打卡，難怪開業不久已人潮不斷。

三triple steak

地址︰深水埗欽州街52-54號平安大廈地舖

電話︰2811 8606

營業時間︰12nn-10pm

平均消費︰$120

編輯︰余運慶

美術︰招潤洪