夥Ben對戰中國網球名將 鄭嘉穎︰差十幾班！

鄭嘉穎與好兄弟黃智賢（Ben）昨日到西貢，為本周六播出的《歡樂滿東華2018》錄影網球環節，跟中國網球員鄭潔和晏紫切磋球技。快將做爸爸的嘉穎再被追問BB性別，他繼續封嘴，表示等老婆陳凱琳指示。

鄭嘉穎一向熱愛網球，昨日親身落場，今次夥拍黃智賢與職業球手對賽，為「東華」籌款，他笑言︰「為慈善旨在參與，我哋同國家隊鄭潔和晏紫，相差十幾班啦！」Ben表示錄影前跟嘉穎提早到場練波，私下也經常與嘉穎牙骹戰，當然二人間有贏有輸，Ben說不論賽果如何，嘉穎都會請食飯，又說他是「網仙」，多年前「導」他打網球，又主動送球拍給他。嘉穎直認20年前開始，已不停叫身邊朋友打網球，包括郭晉安和鄭子誠等。

談到老婆陳凱琳（Grace）早前照超聲波已得悉胎兒性別，但就不肯透露，問嘉穎幾時公布，他十分尊重Grace︰「留畀佢講，或者稍後一齊公布，佢無畀指示我呀，我唔敢講咁多，不過我有陪佢做產前檢查，透過超聲波睇過胎兒狀況。」

讚黃子恆工作落力

此外，Ben曾跟黃子恆合作劇集《是咁的，法官閣下》，對於黃子恆再惹桃色風波，Ben說︰「詳情唔知道來龍去脈，但我睇到新聞嘅反應︰『嘩，咁大件事？』平時開工，我哋無講私事，佢工作亦好落力，希望佢盡快解決件事啦！」

撰文︰Pauline

編輯：黃卉彤

美術：梁政敏