囝囝生日大陣仗 陳豪開幾場派對應酬朋友仔

兩位星級爸爸陳豪（阿Mo）及陳智燊（Jason）昨日出席嬰兒產品專門店開幕，二人開心分享湊仔心得。前日是阿Mo大仔Aiden五歲生日，廿四孝爸爸阿Mo為兒子舉行「星球大戰」主題的生日派對，笑言更會開足幾場派對，招呼囝囝的好友。

陳豪與太太陳茵媺（Aimee）日前為大仔Aiden舉行五歲生日派對，因為Aiden鍾愛《星球大戰》，所以壽星仔扮成黑武士，妹妹Camilla扮成莉亞公主，連生日蛋糕也是《星戰》造型。阿Mo昨日笑指囝囝不經不覺已長大不少，又透露夫婦每年都為三名子女舉行生日派對︰「我哋會邀請仔女嘅同學、朋友，所以會分開搞幾場party，收到嘅禮物多到要捐出去，不過都可以趁機會，等佢哋選擇同邀請自己喜歡嘅朋友。」

另外，阿Mo本來應承二仔，昨日到二仔的學校欣賞囝囝參演話劇，但因早答應出席活動，只好由太太Aimee做代表。他坦言現時放假多數參與子女活動，沒時間見自己的朋友：「仔女與同學仔玩得埋，有時對方家長都會提議約出嚟玩，我覺得可以盡量參與。」

陳智燊望一家三口拍廣告

同場的新手爸爸陳智燊，笑言三個月大的兒子Damon獲得不少嬰兒用品贊助，也不抗拒一家三口拍廣告，希望從中記錄囝囝成長。他又透露早前與太太宋熙年撇低兒子去旅行，結果宋熙年太掛住兒子更差點哭出來，笑言下次一定帶囝囝同行。

採訪、攝影︰Pauline

編輯︰李潔盈

美術︰顏玉玲