姚子羚 維護舊愛鄭子邦

姚子羚、胡定欣、蕭正楠及曹永廉，昨日齊出席無綫新節目《兄弟姊妹去旅行》記者會。席上播放四人同浴的片段，現場嘩聲四起，蕭正楠踢爆曹永廉視姚子羚為幻想對象，阿廉笑言︰「佢兩個女仔啲對話講到我面紅，真係好開放，本來我唔想浸浴，後尾見佢哋無所謂先一齊浸。」

此外，子羚舊愛鄭子邦被傳與湯洛雯拍拖，子羚大方回應︰「我有睇報道，我同阿邦分開後關係仲係好好，兩位當事人都回應過，我相信佢哋嘅說法。（生日願望搵個新男友？）順其自然啦！」