何韻詩希望祖兒過得好

何韻詩日前接受電視節目《StarTalk》主持許文軒訪問，談到她將於科學園開戶外騷，「今次搞個人音樂會，同時亦會係一個音樂節同埋一個聖誕市集。我覺得香港好少聚腳點，所以希望透過文化活動同音樂，拉近大家距離。唔好擔心以後，唔好後悔以前，活在當下，我覺得咁樣更有意義、更好玩。」

阿詩亦提到之前與容祖兒在日本的合照，她說︰「無諗過明仔（黃耀明）會post出嚟，以前可能比較執着同有所顧慮，但大家都一把年紀，無咩所謂啦！既然大家見到張相咁開心，我都替大家開心啦！（可能粉絲覺得你哋好耐無見面，所以畫面好震撼，其實大家關係如何？）隨緣啦！我真係希望大家都過得好。」