唔知幾時再拍港劇 張衞健眼濕濕

張衞健昨日與洪永城、曹永廉及蔡思貝等到無綫電視城，宣傳下月3日播映的新劇《大帥哥》。無綫為隆重其事，特別安排樂隊及軍車接載健仔出場，又有舞獅助興，足證健仔地位。健仔在台上感性表示，由開機拍攝當日，已經開始不捨得，因不知道何時再可用廣東話拍劇，他說︰「有可能係明年，亦有可能never again！」

健仔受訪時亦坦言︰「頭先我真係眼濕濕，因為真係唔知幾時再拍。今次返嚟拍劇係『還畀觀眾』，當年我拍完《西遊記》就走咗去，好似不辭而別咁，所以好想再拍番一套劇畀大家。（唔再拍好可惜？）我話一年一部嘅話，大家都唔珍惜啦，少食多滋味。」