樊少皇想教女功夫 賈曉晨擔心囡囡變粗魯

樊少皇與賈曉晨（JJ）前晚為囡囡Boa（小飯兜）舉行一歲生日派對，順道補祝二人結婚及囡囡出世。拳腳了得的樊少皇有意傳授囡囡功夫，但JJ即大叫怕怕，擔心囡囡將來會打同學。

賈曉晨前晚為小飯兜戴上皇冠頭帶，十分可愛，不少圈中前輩及好友，包括劉松仁、錢小豪、呂慧儀及姚瑩瑩等出席派對。JJ與樊少皇接受訪問時，樊少皇笑指女兒百厭又活潑，待女兒大一點，便教她打功夫及玩電單車。但JJ聞言竟向傳媒「求救」說：「你哋勸下佢（樊少皇）啦，叫佢唔好教個女打功夫，我唔想囡囡將來太粗魯，驚佢返學打同學，要見家長！」

JJ表示沒有為小飯兜擺滿月酒或百日宴，所以舉行一歲生日派對：「我哋連結婚都無擺酒，所以今次想做啲嘢，留個回憶畀自己。」她更回想起去年生女過程驚險，十足拍戲一樣：「老公去咗拍戲，我凌晨五點穿羊水想打畀佢，但佢校咗震機聯絡唔到，好彩朝早終於搵到佢，佢最後趕得切飛返香港，為囡囡剪臍帶，遲多班機就趕唔切。」

想生「小閨密」

問到會否計劃再追B，JJ坦言暫未有打算：「照顧一個小朋友花好多心血同時間，但如果再生我都想再生女，兩姊妹可以好似閨密咁傾偈。」樊少皇則笑言自從女兒出生，他每次出埠拍戲都會心掛掛，問他掛住JJ或女兒較多？他即醒目說：「梗係太太啦！」另外，提到樊少皇被指欠債，JJ解釋老公只是借錢給友人，但反被抹黑，現時他們交回律師處理，有信心打贏官司。

撰文︰Pauline

編輯：李潔盈

美術：梁政敏