尾場兩度爆喊 孫耀威呻紅館騷難申請

一連兩場的《孫耀威HYSTERIC演唱會2018》前晚圓滿結束，孫耀威（Eric）兩次變「喊包」，他直言明年想在不同場地再開演唱會，不過他對於能否成功申請紅館舞台則表示︰「我都半放棄狀態。」

前晚尾場吸引不少圈中人捧場，包括鄭秀文、車婉婉與老公、鄧健泓與石詠莉等。演唱會甫開始，Eric感觸地向台下歌迷表示︰「你哋等咗咁多年，我終於都開騷喇！今日見番好多舊同事同fans，好似一個聚會咁。」

承諾日後再騷肌

對於兩場演唱會都變喊包，Eric完騷後接受訪問時表示︰「我第一場已經爆喊，見到班fans廿幾年嚟咁支持我，感覺真係好特別。」問到明年目標是否登上紅館開騷？Eric一臉無奈︰「紅館呢個場我都係半放棄狀態，太難抽喇，抽到當中獎。我都想喺台灣小巨蛋開騷，聽聞出年都有啲機會，台灣係我出道嘅地方，香港就係我嘅家。」

Eric在開騷前操出一身結實腹肌，但就被Fans投訴騷肌太少，他得悉後表示︰「原本想喺唱《浪踏破》時除衫，點知太興奮唔記得咗，之後嘅騷一定露，練鋼條啲，可以影番本寫真集。」

撰文︰倪小珊

編輯︰黃卉彤

美術︰熊偉然