黃翠如 夥韓國網紅教化粧

黃翠如昨日與韓國名模網紅Irene Kim宣布主持新節目《走出韓妝教室》，翠如透露曾為男友蕭正楠化粧畫眼綫，但卻遭到對方嫌棄︰「佢唔太滿意。」

翠如昨日與Irene不約而同穿上黑色短裙亮相，露出一雙白滑長腿，翠如直言拍旅遊節目比較得心應手，她說︰「化粧節目就係學師心態，但就學咗唔少韓粧，例如火燒眼睫毛。」早前曾與韓星拍劇的翠如，揚言當時學過的韓文已忘掉，她說︰「同韓國團隊合作其實好辛苦，拍一個月劇，每日只係瞓得一、兩個鐘，當地男仔可能當過兵，所以好捱得。」

翠如更大讚Irene人氣超勁，其IG有140萬粉絲，她說︰「我有個醫生朋友知道我同Irene做節目，佢話一定要嚟探班。我把聲沙咗幾日，佢係都要嗰日朝早嚟探班先畀藥我，要我用張合照換藥。」

撰文︰倪小珊

編輯︰黃卉彤

美術︰招潤洪

攝影︰林良明