馬明讚唱歌好聽 黃心穎嫌答得太「行」

喜歡唱歌的黃心穎，已達成願望獻唱《愛•回家之開心速遞》主題曲，之前有報道指她想圓歌星夢，但心穎澄清只是喜歡唱歌，希望再有機會為劇集唱主題曲。另外，今晚是TVB台慶，心穎卻預告衣着並不性感。

黃心穎昨天到紅磡出席商場的聖誕活動，並獻唱兩首動人情歌《默契》及《後來》，又與觀眾玩遊戲。

心情大靚的心穎被問到會否想做歌星出唱片？她笑言︰「唔係要做歌手，只係本身好鍾意唱歌，唱歌係我近來嘅興趣，有動力畀我練歌，我有搵人教，而且發現自己有進步。（有否唱畀男友馬國明聽？）有，佢都讚好聽，我話佢答得咁『行』。（佢有無點歌要你唱？）咁又無，因為佢識嘅歌唔多。（佢淨係識舊歌？）係，我會介紹啲新歌畀佢聽。」心穎坦言希望將來有屬於自己的歌，亦有興趣再唱電視劇主題曲。

另外，提到今晚無綫台慶，心穎表示已準備好戰衣，但自爆並不性感，她說︰「年尾好多大型活動，我着裙都着到有啲厭，好難揀，不過件衫唔性感。公司咁多人，好多女藝員都會好性感，喺幾百人入面，大家見到我已經好幸運。（馬明唔畀你性感？）唔係，佢未睇過。」

心穎又表示，最期待是抽現金大獎，不過她自問欠抽獎運，希望今年突破魔咒，更豪言中獎的話會請大家食飯。

採訪︰Pauline

攝影︰林良明

編輯：黃寶恩

美術：招潤洪