私家車泊安全島 網民：挑戰法例？

本港車位緊張，但不等於可隨處違泊。有網民日前目睹有私家車竟停泊在安全島，圖文上載到fb專頁「馬路的事討論區」，有網民諷刺車主「呢個應該係世界上最安全嘅島」。圖片吸引逾370人畀like。

大部分網民調侃車主，要將車輛泊上這個安全島也不易，要考車主的技術。另有網民戲言，這是「你睇我唔島」，估計車主或許「博警察睇唔到」，可避免接獲「牛肉乾」。亦有人批評車主「擺明挑戰法例」，提醒其他人不要仿傚。