聖誕未有着落 龔嘉欣籲男士主動邀約

龔嘉欣昨日到觀塘apm出席「聖誕冰雪樂園」活動，正忙於拍攝劇集《殺手》的她，自嘲最近殺氣大，令追求者卻步，嘉欣不忘公開呼籲一眾單身男士，今個聖誕大膽向她提出約會。

龔嘉欣昨日以一襲紅色吊帶低胸裙性感亮相，美好身材表露無遺。嘉欣透露早前拍攝打戲時，不慎被演員用木棍打傷右手尾指，她說︰「我噚日（即前日）再睇物理治療時，先知韌帶撕裂，要等多一個月先好番。」嘉欣透露尾指受傷時流血不止，但她堅持親身上陣繼續拍攝，她表示︰「我無喊，仲拍埋嗰日嘅廠景，第二日先睇醫生，我都覺得自己太搏。」

懂得下廚好重要

嘉欣為劇集努力操弗，練出馬甲綫及腹肌，日前更在社交網大曬性感泳照，她開心表示︰「依家唔太瘦，上鏡啱啱好，咁好狀態都想留倩影。」而劇集會在聖誕節前煞科，但嘉欣透露仍未有男士邀約︰「要消除好多男士對我嘅誤解，真係無人約我。可能呢排做咗殺手，殺氣大嚇親佢哋，呼籲大家聖誕節約我啦，最重要識煮嘢食，我想享受下、搵人錫下。」

撰文︰倪小珊

編輯︰黃卉彤

美術︰梁政敏