吳若希呻婚後被老公無視

吳若希（Jinny）昨日與許廷鏗及鄭欣宜等出席「長者港鐵安全運動」，剛由日本拍完旅遊節目返港的Jinny，大呻老公婚前婚後大不同。她說︰「老公好衰，前晚叫佢帶埋個女嚟接我機，點知佢選擇喺澳門踢波，佢對住我已經唔同晒喇，結婚前佢都會嚟接機，結婚後當我無到。」而許廷鏗與兩位女生甫見面即雞啄唔斷，他更自爆與兩人同車十分辛苦︰「欣宜成日喺車廂播歌同唱歌，吳若希鍾意大笑，我就鍾意食。」