對《兄弟》收視有信心 楊明被伍允龍拳腳嚇親

台慶劇《兄弟》前晚首播，劇中演員相約飯局睇劇，提到功夫了得的伍允龍在劇中動作場面多，楊明大讚伍允龍踢腿時腿風太勁，雖然自己沒受傷，也被對方氣場嚇倒。

楊明、伍允龍、江嘉敏、劉穎鏇等演員，前晚相約食飯，兼欣賞新劇《兄弟》首播，但主角之一王浩信因開工未能出席。楊明及伍允龍表示對新劇收視沒有壓力，提到伍允龍拳腳功夫厲害，問到有沒有人在拍攝期間受傷？楊明即說︰「伍允龍打嗰陣會預留啲距離，佢以為唔會傷到人，但其實佢踢腿時嗰陣風已經好得人驚，我已經練到被佢踢時都唔眨眼。」

提到《兄弟》緊接收視、口碑俱佳的《跳躍生命線》推出，他們對新劇信心十足，又說︰「希望觀眾鍾意，無話收視要達咩點數。」若然新劇取得好成績，會如何回饋觀眾？楊明說︰「我哋一高興就除衫，其實劇中我哋已經露咗好多點。」伍允龍講笑說︰「所以套劇點數好高！」

60個鐘無得瞓

另外，伍允龍笑言三位男主角中，要數自己最得閒，因為拍劇期間想約楊明食飯，對方都要開工無法應約。他說︰「可能公司覺得楊明唔瞓嘅話，啲演技會好啲。試過有次開工，我已經返咗屋企三次，但再去開工，都會見到楊明，原來佢從未走過。」楊明坦言曾60小時沒睡覺，也沒沖涼，幸好女友莊思明沒嫌棄。

撰文︰Pauline

攝影︰林良明

編輯︰李潔盈

美術︰梁政敏