陳凱琳摸單文柔肚沾旺氣

單文柔（Phoebe）、陳凱琳（Grace）昨日到中環出席頒獎禮。Grace見到準媽咪即送上擁抱祝賀，並興奮地摸Phoebe肚子，直認要沾旺氣，Phoebe立即祝福Grace，亦叮囑她不要有壓力。

問Grace是否想快點有BB？她說︰「順其自然啦，我覺得佢同展鵬公布喜訊嗰一刻感覺好靚，一齊上載同一張相，低調得嚟又表達到佢哋好開心。」

Grace和鄭嘉穎結婚早過陳氏夫婦，卻在生B方面慢了點，問他們是否努力中？她笑言︰「嘉穎當然都想要BB。男仔可以教佢打網球，女就像小公主可以嗲佢，不過男女都無所謂。」Grace更表示想跟老公去多幾次旅行，並趁機造人。

展鵬幫太太按摩

早前展鵬透露Phoebe的預產期在明年四、五月，問當事人到底懷孕幾個月？她笑笑口說︰「啱啱可以同大家分享，之後見完醫生，檢查清楚再仔細同大家講。我原本係想生個『Mini Pan』，但後來諗，如果父子性格相似，都幾難處理。」但見她出席活動時穿平底鞋，Phoebe自認貪靚，本來帶備一對高踭鞋及一對平底鞋，最後還是覺得穿平底鞋較穩陣，她又讚老公細心︰「我依家半夜隻腳成日會抽筋和腳痹，佢就會立刻幫我按摩。」

採訪︰Pauline

編輯︰黃卉彤

美術︰梁政敏